Төнлә дроннар Болхов шәһәренә һөҗүм иткән, җирле халык шартлаулар һәм "кайбер объектларга" зыян килүе турында хәбәр итә. Һөҗүмнән соң Болхов заводында янгын чыккан: бу заводта хәрби сәнәгатькә дә җитештерелә торган махсус җиһазлар ясала.
Русиянең саклану министрлыгы хәбәр иткәнчә, төнлә Орёл өлкәсендә Украина территориясеннән җибәрелгән 53 дрон бәреп төшерелгән. Аларның ничәсе һәдәфкә барып җитмәгән — ул хакта хәбәр ителми. Кешеләр чыгарган видеолардан күренгәнчә, заводка кимендә сигез пилотсыз очкыч һөҗүм иткән.
Барлыгы төнлә Русия хәрбиләре 159 украин дронын бәреп төшергән, диелә. Аларның 51е — Брянски өлкәсендә, 37се — Курски өлкәсендә юк ителгән, Русиянең тагын 6 өлкәсендә дә һөҗүмнәр теркәлгән.
Украина бу хәлләр турында берни дәшми.
🛑 Русиядә Азатлык сайты томаланды, нишләргә? Безнең кулланма.
🌐 Безнең Telegram каналына да кушылырга онытмагыз!