V корылтай: Вакыйгалар дисбесе

Сүз Татарстан президенты Рөстәм Миңнехановка бирелә.

Конгрессның эш төркемнәре сайлана, көн тәртибе, регламент раслана.

Ике конгресс арасында, соңгы биш елда вафат булган күренекле шәхесләр искә алына, шул исәптән, Гариф Солтан.

Президиум исемлеге тулысынча тавышка куелды һәм кабул ителде. Президиум әгъзалары урыннарын ала.

Чуашстан татарлары милли-мәдәни мохтарияте шурасы рәисе Фәрит Гыйбатдинов президиумга намзәтләр тәкъдим итә.

Ринат Закиров утырышны ачык дип игълан итте. Башта Русия аннары Татарстан гимннары яңгырый.

Дөнья татар конгрессы корылтаеның пленар утырышы башланды. Президиумда Татарстан президенты Рөстәм Миңнеханов һәм конгрессның башкарма комитет рәисе Ринат Закиров.

Корылтай кысаларында Европа берлеге илләреннән килгән вәкилләрнең җыелышы да узды. Ул Клайпеда (Литва) делегаты Флюр Шарипов тәкъдиме белән оештырылды. Әле яз аенда ук Шәрипов Европа Татарлары берләшмәсен (альянсын) төзү нияте белән чыккан иде. Хәзер ул моны чынга ашырмакчы. Бу эшендә Шәриповны үз илләрендә Русия илчелекләре белән тыгыз хезмәттәшлек иткән Германия, Бельгия вәкилләре яклый. Флюр Шәрипов үз чыгышында бу эшне Русия тышкы эшләр министрлыгы фатыйхасы белән эшләвен яшермәде дә, Европарламентта турыдан-туры Русия мәнфәгатьләрен яклаган депутат Татьяна Жданок (Латвия) белән бергә эшләвен әйтте. Башка делегатларга фикер алышу мөмкинлеге бирелмәде, оештыручылар "Йокларга вакыт!" дип таралыштылар.